Aviso importante

Ante a situación excepcional plantexada pola evolución do coronavirus COVID-19:
  • Adíase ata novo aviso o comezo das sesións formativas presenciais no Auditorio de Baio.
  • O proceso de solicitude de praza e selección de alumnos/as continuará con normalidade a través do formulario on-line establecido para iso: https://udcseniorcostadamorte.wordpress.com/inscricion/
  • A Universidade Sénior manterá o servicio de atención telefónica para facilitar a inscrición a través do teléfono 881014508, en horario de 9 a 14:30, de luns a venres, ata o fin do prazo o vindeiro 20 de marzo.

A presentación da 3ª edición, na prensa

 

 

4 de marzo: Presentación da 3ª edición do Programa de Democratización do Coñecemeno na Costa da Morte – 2020

A Vicerreitora de Planificación Académica e Innovación Docente da Universidade da Coruña, Dna. Nancy Vázquez Veiga, o Alcalde de Zas e Presidente do GDR “Costa da Morte”, D. Manuel Muíño Espasandín; e Dna. Matilde García Sánchez, Directora da Universidade Sénior, presentarán en Rolda de Prensa a 3ª edición do Programa de Democratización do Coñecemento na Costa da Morte, nun acto que que terá lugar o mércores 4 de marzo, ás 13:00 horas, no Auditorio do Polideportivo de Baio (Zas).

A inscrición, que será gratuíta, poderá realizarse de xeito on-line a través do espazo web UDC Sénior Costa da Morte (https://udcseniorcostadamorte.wordpress.com/ ) ou presencial a través dos ADL de cada Concello do GDR “Costa da Morte”, dende o 5 ata o 20 de marzo.

O programa formativo consta de tres módulos, impartidos por profesorado da Universidade da Coruña, e busca revalorizar o patrimonio cultural, social e ambiental da zona, concienciar á sociedade sobre a presenza da ciencia no día a día, e recoñecer o valor das disciplinas artísticas a través do coñecemento e as vivencias, a través de sesións teóricas e sesións prácticas ou saídas de campo, coas seguintes temáticas e calendario:

MÓDULO I: PATRIMONIO SOCIAL E CULTURAL

  • Catro etapas da arquitectura antiga de Galicia. Profesor Álvaro José Iglesias Maceiras. Mércores 25 de marzo e 1 de abril, de 17 a 19 h.
  • Lingua e Literatura Galega. Profesor Xoán López Viñas. Xoves 26 de marzo e 2 de abril, de 17 a 19 h.
  • Visita Cultural: Venres, 17 de abril de 10:30 a 13:30 h.

MÓDULO II: MEDIO AMBIENTE E SUSTENTABILIDADE

  • Enxeñaría e tecnoloxía ambiental. Profesores Manuel Soto Castiñeira e Verónica Torrijos Pérez. Mércores 15 e 22 de abril, de 17 a 19 horas
  • Agronomía de mar e montaña. Profesores Javier Cremades e Federico Pomar Barbeito. Xoves 16 e 23 de abril, de 17 a 19 h.
  • Saída de Campo: Venres 24 de abril, de 10:30 a 13:30 h.

MÓDULO III: SAÚDE E CALIDADE DE VIDA

  • Neurociencia. Profesora Carmen de Labra Pinedo. Mércores 29 de abril e 6 de maio, de 17 a 19 h.
  • Educación para a Saúde dende o exercicio terapéutico. Profesora Isabel Raposo Vidal. Xoves, 30 de abril e 7 de maio, de 17 a 19 horas
  • Sesión práctica de exercicio terapéutico. Venres 8 de maio, de 10:30 a 13:30 h.

Con esta terceira edición do Programa de Democratización do Coñecemento, a Universidade Sénior achégase de novo ás persoas maiores de 50 anos das comarcas da Costa da Morte, respostando as súas inquedanzas e necesidades formativas como xa ven facendo desde 2001, nos campus da Coruña e Ferrol, nos que preto dun milleiro de alumnos e alumnas cursan estudios na Universidade Sénior.

29 de maio, acto de clausura e entrega de diplomas da 2ª edición do Programa de Democratización do Coñecemento na Costa da Morte

O mércores 29 de maio, a partir das 10:30 horas, no Salón de Actos da ETS de Náutica e Máquinas, terá lugar o Acto de Clausura e Entrega de Diplomas aos alumnos e alumnas da Costa da Morte que cursaron a 2ª edición do Programa de Democratización do Coñecemento, Formación Universitaria para Maiores de 50 anos, que impulsa a Universidade Sénior en colaboración co GDR “Costa da Morte”.

O programa universitario para persoas maiores de 50 anos da UDC pechará o vindeiro 29 de maio a segunda edición do Proxecto de Democratización do Coñecemento – Formación Universitaria para Maiores de 50 anos na Costa da Morte “Compartir Experiencias e Coñecementos”, que se viu desenvolvendo na localidade de Baio (Zas) con 66 participantes, realizado en cooperación co GDR “Costa da Morte”.

O acto de clausura e entrega de diplomas aos 66 participantes maiores de 50 anos do Programa de Formación Universitaria para Maiores contará coa presencia da Vicerreitora de Oferta Académica e Innovación Docente, Dna. Nancy Vázquez Veiga, o Director Xeral de Maiores e Persoas con Discapacidade da Consellería de Política Social da Xunta de Galicia, D. Ildefonso de la Campa Montenegro, o presidente do GDR “Costa da Morte” e Alcalde de Zas, D. Manuel Muiño Veiga, e a Directora da Universidade Sénior, Dna. Matilde García Sánchez, e terá lugar no Salón de Actos da ETS de Nautica (Paseo de Ronda, 51), o mércores, 29 de maio, a partir das 10:30 horas.

O acto de clausura terá a seguinte axenda:

  • 10:30 Conferencia titulada “Os naufraxios na Costa da Morte” do Prof. Felipe Louzán, da Escola Técnica Superior de Náutica e Máquinas da Universidade da Coruña.
  • 11:30 Pausa café
  • 12:00 Concerto “Conexións Vocais” a cargo de Ruppert Twine e Valentina Jelihovschi.
  • 13:00 Entrega de Diplomas e Clausura

A Universidade Sénior, o Programa Universitario para Maiores de 50 anos da Universidade da Coruña puxo en marcha, en colaboración có GDR “Costa da Morte”, un programa de formación específico para os adultos maiores de Costa da Morte que se desenvolveu nos meses de marzo a maio, no Auditorio do Centro Sociocultural de Baio, no Concello de Zás.

O programa asentouse na idea da Sustentabilidade e constou de tres módulos, impartidos por profesorado da Universidade da Coruña, que abordaron a través de sesións teóricas e sesións prácticas ou saídas de campo, temáticas tan diversas como a Sustentabilidade Social e Económica, a Sustentabilidade Ambiental ou a Saúde e o Benestar.

Con estas Xornadas, a Universidade Sénior achegou un ano mais a formación universitaria a un grupo de 66 persoas maiores de 50 anos de Costa da Morte, respostando as súas inquedanzas e necesidades formativas como xa ven facendo desde o ano 2001, nos campus da Coruña e Ferrol, nos que preto dun milleiro de alumnos e alumnas cursan estudios na Universidade Sénior.